Torbjørn (60) trudde han var trygg. No kan jobben bli privatisert

Fleirtalet i Drammen kommune har bestemt at dei skal undersøke å sette fleire yrkesgrupper og tenester på anbod. Torbjørn Bogen er fagleiar og løypekøyrar i Drammen kommune:

– Vi føler ein enorm utryggleik. Eg har heile tida tenkt at eg har ein trygg jobb. Men, du veit aldri om du har tilsetjingstryggleik etter denne runda, seier Fagforbundet-medlem Borgen. Sjekk ut kva han og løypekøyrar-kollegaene driv med etter at snøen har smelta, i videoen under. 

– Folk med fagbrev

Høgre, Frp, KrF og Industri og næringspartiet (INP) i Drammen har fleirtalet og styrer kommunen. Dei har vedteke at blant anna løypekøyringa skal utredast på anbod. Dei vurderer også at ein sjukeheim som skal byggast med over 130 arbeidsplassar skal på anbod. Bogen meiner dei som allereie har mange års erfaring, bør fortsette med løypekøyringa:

Anbodsplanane krasjlanda: Kostar kommunen åtte millionar kroner

– Her er vi folk med fagbrev. Er kommunen tent med at nokon utan den same faglege kompetansen skal hoppe inn? Det må jo vere betre at folk med fagbrev i eit yrke fortset der med sin kunnskap, seier Bogen som har 36 års erfaring med løypekøyring og skogbruk for Drammen kommune. 

Betale for å bruke skogen?

Bogen trur ikkje tilbodet til innbyggarane vil bli betre om andre kjem inn:

Åleinemor fryktar privatisering vil ramme familielivet hardt

– Om det er økonomi eller om det er fornuft, er ikkje det som er avgjerande for dei som vil privatisere. Det er rett og slett programfesta og ideologisk drive, seier Bogen. Han fryktar ei kommersialisering av skog og mark. Og at det kan koste pengar å ta seg ein ski eller joggetur:

– Viss det er ei foreining som overtek drifta her. Kva vil då skje med avgifter og medlemskap for å kunne bruke skogen? Det veit ein jo ikkje. Det finst eksempel på dette i utlandet og korleis dette har sklidd avgårde. I Tyskland må betale ein for å bruke løypene og du kan berre gå på oppmerka sti. 

Høgre: – Skjønar uroa

Kristin Surlien er gruppeleiar for Drammen Høgre som er det største partiet i kommunen og som har ordføraren.

Blei angripne på jobben: – Ikkje eksperimenter med tryggleiken vår

– Fleire tilsette fortel dei føler jobbane deira ikkje er trygge lenger. Kva seier du til det?

– Eg forstår det. Eg forstår at det skaper uvisse når ein behandlar slike saker politisk. Men, difor er det òg viktig at ein har med seg at dette er ei utgreiing. Vi har bedt om ei sak av kommunedirektøren på å sjå på dei områda kor det er mogleg å konkurranseutsette. Det er veldig viktig å huske at dette er ei utgreiing, og at ingenting er bestemt. Vi har sagt at sakene som er lista opp, skal behandlast enkeltvis. Då vil vi vurdere om tenestene er eigna til å privatisere og om det er noko å hente der, seier gruppeleiaren.

– Auka valfridom

Surlien som har vore folkevald sidan 2011 seier ho og Høgre vil ha mangfald i tenestene:

Anbod stoppa: Tilsette feira med kake

– Vi er opptekne av å få dei best moglege tenestene. Ikkje om dei er drivne av det private eller offentlege. Vi ønsker eit mangfald av tilbod som gjev auka valfridom for innbyggarane i Drammen, seier ho og legg til:

– Konkurranseutsetjing er ikkje noko mål i seg sjølv, men eit verktøy for å sikre tenestene. Ved at ein slepp til andre aktørar, får ein tilgang til nye idear, meir spesialisert kompetanse og fleksible løysingar. Så konkurranse utfordrar jo det etablerte. Og gjer at vi alle må strekke oss litt lenger. Vi har gått til val på auka valfridom, seier Surlien som har bakgrunn som marknadsøkonom.

Tillitsvald: – Allereie ein svært effektiv kommune

Laila Evensen er leiar av Fagforbundet i Drammen. Ho seier tenestene i dag er drivne godt. Både for tilsette og innbyggarar:

No risikerer reinhaldarar på biblioteket å miste ein million i pensjon og å jobbe fem år lenger

– Drammen kommune er ganske så effektivt drive i dag. Kommunen jobbar heile tida med å bli enno meir effektive og tenke annleis, seier ho og viser til KOSTRA-tal og oversikt over dei best drivne kommunane i landet. Evensen meiner at med privatisering er det stor fare for færre hender på dekk:

– Den effektiviteten vi har i Drammen dreier seg jo også om talet på folk på jobb. Når det skal privatiserast, sit ein tilbydar på toppen som skal tene pengar. Og då tenker eg: Er det då mindre folk dei skal tene pengar på å ha? Eller er det løna og pensjonsvilkåra til dei tilsette dei tener pengar på? 

– Behald kontrollen

Leiaren av Fagforbundet i Drammen har denne oppmodinga til det politiske fleirtalet:

Fryktar million i pensjonssmell: – Må eg jobbe til eg blir 67, er eg redd eg ikkje har mykje armar og kropp igjen

– Ønsker dei kontroll og styring, så beheld dei tenestene i eigen regi. Då vil dei få kontroll. Det er ikkje sånn at dei har noka form for kontroll viss tenestene er lagde ut på anbod. Då rettar ein seg til ein rammeavtale. Og ha med dykk hjartet i vedtaka de tar, fordi privatisering går utover nokon, seier Evensen. Tilsette som er over 55 år og som blir privatiserte risikerer dette: Fem år lenger i jobb og ein million kroner mindre i pensjon.