Reinhaldarar på anbod: – Høgre og Frp set dei med lågast lønn ut  først

Tidlegare i september møtte LO-leiar Kine Asper Vistnes fleire av reinhaldarane. Onsdag vedtok Frp, Høgre, Senterpartiet og Pensjonistpartiet  konkurranseutsetting av minst 80 stillingar innan reinhald:

– Det er dessverre ikkje overraskande at Høgre og Frp igjen vel å konkurranseutsetje tenester som råkar dei med lågast løn og svakast rettar. Vi har sett dette mønsteret i fleire kommunar rundt om i landet. Det er eit ideologisk løp, der kommersialisering og privatisering blir sett framfor omsynet til arbeidsfolk og kvaliteten på tenestene, seier LO-leiar Vistnes.

Vedtok konkurranseutsetting:Reinhaldarar risikerer å miste over ein million kroner i pensjon

Gjeld 140 stillingar 

Fleirtalet i kommunestyret vedtok å  konkurranseutsette først 25 prosent av reinhaldet. Etter ei evaluering skal dei sjå om dei skal vidare  konkurranseutsette nye 25 prosent av stillingane. Vedtaket opnar også i prinsippet for vidare konkurranseutsetting alt reinhald og heile vaskeritenesta etter ei evaluering og om det er "interesse i markedet". 

– Skal spare på dei som tener minst 

LO har rundt ein million medlemmer. Leiar Vistnes meiner konkurranseutsettinga rammar dei som står svakast:

– Det er forstemmande at når kommunane skal spare pengar, så skjer det ofte på kostnad av dei som tener minst. Erfaringane frå tidlegare viser at dette fører til dårlegare løns- og arbeidsvilkår, og ikkje minst svekka pensjonsrettar. Reinhaldarar er mellom dei som har dei svakaste vilkåra frå før, og det er dei som no blir ramma hardast, seier Vistnes kritisk. Ein reinhaldar på 55 år som må over i eit privat selskap vil miste rundt ein million kroner i AFP-pensjon.

Renholdere i Oslo-skolen skal bli fast ansatt i kommunen, om det går veien for venstresida

Peikar på Oslo

Vistnes ber politikarar vende blikket mot hovudstaden:

– I Oslo såg vi korleis det å ta tenestene tilbake i kommunal regi under raudgrønt styre fekk stor rolle for løna og tryggleiken til folk. No reverserer Høgre dette. Det er urovekkjande at Høgre- og Frp-styrte kommunar over heile landet førebur og gjennomfører konkurranseutsetjing og privatisering av tenester som reinhald, eldreomsorg og barnehagar, seier Vistnes.

Meiner pandemien har svaret

Mette Nord er leiar av Fagforbundet som har 414.000 medlemmer. Nord har tidlegare sagt at ho er forbanna over vedtaket til Nordre Follo kommune. Blant anna fordi rundt 30 tilsette på over 55 år vil miste over ein million kroner i pensjon kvar, om dei skal over i eit privat selskap. No peikar ho på beredskap:  

– Reinhaldarane er førstelinja til å sørge for å bryte smittevegar. Dei er førstelinja til å sikre alle arbeidstakarar eit godt og forsvarleg inneklima gjennom faget sitt, seier ho og legg til:

– Dette er å flytte ut og dele opp viktig og kritisk beredskap. Du skrenkar inn handlingsrommet til å flytte på ressursar om det kjem ein pandemi. Eller ein anna kritisk situasjon der du må flytte på folk raskt. Pandemien er eit glitrande eksempel på kor viktig og kor raskt ein kunne endre ressursar til dei stadene der det var meir prekært, seier Nord.

Konkurransesjokk for reinhaldarar: – Nokon vil miste over ein million i pensjon