ØYSTEIN WINDSTAD

oystein.windstad@fagbladet.no

Eidsivating lagmannsrett slo fast at dei tre medlemmene hadde gått glipp av retten til sjukepengar, feriepengar og overtid.

Fordi Recoveryakademiet leide dei tre inn som sjølvstendig næringsdrivande og ikkje faste tilsette. Lagmannsretten konkluderer med at medlemmane hadde krav på å bli faste tilsette og at innleie var i strid med Arbeidsmiljølova.

• 194 omsorgsarbeidarar krev feriepengar og går til sak

I RETTEN: Morten Mønnich i ei lignande rettssak mellom medlemmar og Aleris.

Ola Tømmerås

Leier inn konsulentar, taper i retten

Recoveryakademiet er ikkje det første private omsorgsselskapet som har leid inn folk som konsulentar. Dei er heller ikkje dei første som har tapt i retten etter at medlemmane gjekk til Fagforbundet.

Fagforeininga vant på vegner av 22 medlemmer over omsorgsselskapet Stendi. Selskapet måtte betale 24 millionar kroner i etterbetaling. Kort tid etter samla 90 medlemmer seg med eit nytt søksmål og liknande krav.

Fagforbundet vant også over selskapet Baos, som blei dømt til å betale sju medlemmer 12 millionar kroner. Til saman har Fagforbundet hjelpt rundt 200 medlemmer i liknande saker.

• Vann i Høgsterett og får 24 millionar i erstatning

Selskap i trøbbel

Recoveryakademiet la ned ein psykiatriklinikk i år. Dagbladet har sett kritisk søkelys mot selskapet i ein serie gravesaker. I dommen kjem det fram at dei tre medlemmene jobba opptil fleire veker i strekk utan at det var ei lovleg arbeidstidsordning.

Slik fekk dei utbetalt mindre enn dei skulle. Saka blei ført av forbundsadvokat Morten Mønnich. Dommen i Eidsiva lagmannsrett var einstemmig.

Ankefristen er ikkje ute enno, dermed er domen ikkje rettskraftig og saka kan bli sendt vidare til Høgsterett.

• Omsorgsarbeidar Gry fekk millionerstatning