Ventar rekordmange overtalige neste år

I løpet av i år har 273 blitt overtallige i Oslo. Det er rekordhøgt, og det vil bli fleire neste år. Då vil milliardkutta treffe kommunen for fullt:

– Den verkelege effekten av byrådet sine kutt har vi ikkje sett enno. Dei kjem i 2026. Det første du bør gjere om du blir overtalig er å ta kontakt med plasstillitsvald eller hovudtillitsvald, seier Roger Dehlin som er leiar av Fagforbundet i Oslo. Han legg til at dei tillitsvalde står klare til å kome med råd og vise veg. I faktaboksen under kan du lese kor mange i kva yrkesgruppe som har blitt overtalige til no i 2025.

Kommuneansatte kan miste 130.000 kroner i lønn

Dette skjer når du blir overtalig

Per Egil Johansen leiar Fagforbundet sitt kompetansesenter i Oslo. Han fortel at Overtallighetsavtalen i kommunen har sikra at dei siste ti åra har ingen mista jobben grunna overtaligheit:

– Du får ein overtaligheitsattest. Alle overtalige skal meldast til Utviklings- og kompetanseenheten (UKE). Det er rett og slett fordi då har UKE oversikta over overtaligheita i kommunen. Alle stillingar som blir ledige, skal haldast ledige i ei veke. UKE får moglegheita til å sjekke om det finst overtalige som er aktuelle for stillingar. Du har fortrinnsretten om det er ei ledig passande stilling, seier Johansen. Han fortel at vidare blir overtalige kalla inn til ein samtale for å finne ut om jobben passar. 

Avtale kan ryke i 2028

Overtallighetsavtalen sikrar at dei tilsette har krav på løn i to år om dei blir overtalige. Johansen i kompetansesenteret i Oslo fortel at det er nettopp denne avtalen som kan ryke fordi byrådet vil gå over til ein KS-avtale:

– Då opphøyrer Oslo å eksistere som eige tariffområde. Så vil det vere hovudtariffavtalen i KS som då vil vere gjeldande med andre rettar. Det betyr at Overtalighetsavtalen vil vere i spel.

– Når kan eventuelt dette skje?

– Det er klart at eit skifte av ein tariffavtale skjer i eit hovudoppgjer. Og ein rekk ikkje det i 2026. Det vil eventuelt skje tidlegast i 2028, seier Johansen. Tal frå Oslo kommune viser at av dei 273 som har blitt overtalige til no i år, har 233 gått ut av overtalighet. Det vil seie at dei har fått tilbod om jobb ein annan plass i kommune, takka vere avtalen. 

Oslobyrådet vurderer å flytte titusener av ansatte over i KS – ansatte frykter lavere lønn

Fryktar kommune ikkje greier å handtere alle

Dehlin seier han trur Oslo kan slite med å finne ein jobb til alle når dei store kutta kjem:

– Vi kjem til å måtte omstille og kutte så mykje at vi fryktar at kommunen ikkje greier å handtere det, seier leiaren av Fagforbundet i Oslo. Han legg til at slik situasjonen er no, er Overtallighetsavtalen under press. 

Vil gjere det lettare å sparke

Han likar også dårleg at byregjeringa i Oslo vil gjere det lettare å seie opp folk:

– Vi ser at dei politisk signaliserer at dei ønsker å prøve å omgå dei rettane folk har. For i budsjettvedlegget signaliserer byrådet at dei ønsker å lage prosedyrar som gjer det lettare å seie opp folk, seier Dehlin. Han meiner politikarane ikkje kan gå lenger enn avtaleverket:

– Dette er politisk og ikkje administrativt. Vi svarar at dette bryr vi oss ikkje mykje om, for vi har avtaleverket i Oslo kommune. Vi fryktar ikkje at det skal forsvinne, ved at politikarar ikkje kan vedta noko som er dårlegare enn avtaleverket. Men vi fryktar eit volum som gjer det vanskeleg å handtere, seier Dehlin.