Filleristar KrF: – Ulstein tek ikkje utsvelting og folkemord på alvor

På NRK-debatt-programmet Politisk kvarter onsdag morgon fekk KrF-leiar Dag Inge Ulstein spørsmål om han meiner Israel bryt folkeretten i Gaza. Ulstein svara:

– Som i mange andre konfliktar er det tydeleg at det kan sjå ut som det er det som har skjedd (brot på folkeretten red.anm). Men samtidig har eg ansvar som politikar å utfylle det store bildet. Og igjen er Hamas det fundamentale problemet". Det fekk tidlegare Fagforbundet-nestleiar og no LO-sekretær Odd Haldgeir Larsen til å reagere.

Hjelpeorganisasjoner ber verdens ledere trappe opp innsatsen etter FN-rapport om Gaza

Meiner Ulstein har Israel-unnskyldande heiagjeng 

LO-toppen gjekk hardt ut på Facebook og brukte mørkemann-begrepet om Ulstein. Han modererte seinare innlegget og fjerna mørkemann-formuleringa, men meiner framleis at Ulstein blant anna overser systematisk og bevisst utsvelting av 2,2 millionar palestinarar på den utbomba Gazastripa. Larsen skriv blant anna på Facebook:

"KrF -lederen sier i Politisk kvarter at han ikke kan definere folkemordet i Gaza som brudd på folkeretten. Alle, alle fordømmer Hamas sine 7. oktober-ugjerninger, bare så det er sagt. Ulstein har selvsagt med seg meningsfeller når han ikke tar på alvor utsulting og folkemord. Jeg håper inderlig norsk presse intervjuer den partilederen hver dag. Han bør få gjenta budskapet sitt, vi trenger å vite hva heiagjengen hans står for".

– Peikar einsidig på Hamas

Larsen var på reise til Danmark då Fagbladet ringde for intervju. Larsen svara på sms:

Fagforbundet krever tøffere Israelpolitikk fra Støre

– Eg tek på stort alvor at KrF prøver å argumentere for at det ikkje er bevist folkemord og brot på folkeretten. Samtidig peikar Ulstein einsidig på Hamas.  

Fagbladet har kontakta KrF og fekk til svar at Ulstein var oppteken i landsstyremøte heile onsdag, og at dei skal kome tilbake med tilsvar så snart det let seg gjere.